airtel

Edito

24-mai-2024

Misy fetrany ny hery sy fahefana !

Olana hatrany ho an’ny ankamaroan’ireo mpitondra teto Madagasikara ny

Sample post image

fiheverana fa tsy refesi-mandidy sy afaka manao izay tiana hatao rehefa mahazo faka eo amin’ny fitondrana.

24-mai-2024

Vao mainka mitombo ny fanjakazakana sy ny fiheveran-tena ho andriamanjakan’i Madagasikara, ka tena manao izay tiana hatao sy mihantsy ny hafa mihitsy aza. Dia io iaraha-mahita io, fa arakaraka ny fisian’ny kihana sy fanamelohana samihafa ataon’ny fanoherana eo anatrehan’ny fahitana tsy fanarahan-dalàna no vao mainka hampiakaran’ny andaniny ny daozin’ny setrasetrany. Mahatoky mantsy izy fa eo am-pelantanany na azony baikoana na fantany fa hiaro azy ny rafitra aty amin’ny tendrom-pitsarana misahana ny fifidianana ; matoky tena izy satria eo an-damosiny ny tafika ; mirehareha izy fa azy ny fahefana sy ny vola,… Mieritreritra ny mpitondra fa arakaraka ny fijanonany ela eo no vao mainka maha mafy orina azy, raha toa ka ny mifanohitra amin’izany no mitranga raha tarafina amin’ny toe-draharaha politika sy ny olana ara-tsosialy mitranga. Ilaina ampahatsiahivina ve lany tamin’ny isam-bato 99% teo ny Filoha Tsiranana ny faran’ny taona 1971 fa niongana ny tapaky taona 1972 ; adino ve fa nanana 21 taona niorenam-paka teo ary tena nahafehy ny tafika ny Filoha Itompokolahy Didier Ratsiraka tamin’ny fotoan’androny fa niongotra ? Nisy nieritreritra ve hiongana ny Filoha teo aloha Ravalomanana izay tena tao anatin’ny heriny sy tanjany fa ireny niaraha-nahita ireny ny 2009 ? Dia isika rehetra no hiara-hahita ny tohin’ny tantara eto fa sahia ho ela velona !
Toky R
 

Dans la même rubrique

19-juin-2024

bandikelin’Antsirabe tany amin’ny 25 taona lasa tany izany.

Card image cap
18-juin-2024

fampandrosoana ny tanàna sy ny firenena ve no hevitr’ilay politika ampisaintsika eto Madagasikara ?

Card image cap