Edito

 izany? Ity praiminisitra ity ve izany mahalala tsara ny vinan’ny filoham-pirenena mihoatra ireo solombavambahoaka sy ireo rehetra nitonona ho akaiky ny filoham-pirenena hatramin’izay ary namolavola izany vina izany? Ireo rehetra ireo izay efa miha hita ho malailay fonosana amin’ity praiminisitra ity. Toa sambany rahateo no nahenoana ny praiminisitra nanao fanehoan-kevitra tahaka izany? Nandritry ny 3 taona mahery ve izany dia nandany andro tamin’ny werawera aloha ny tandapa rehetra? Hatraiza tamin’ilay vina izay tsy mety voafaritra hatramin’izao no mbola tsy vita? Ahoana ihany no tena fandehan’izy ity? IEM sa Velirano sa PGE sa PEM sa Plan Marshall sa ve samy atao daholo? Firy isan-jato isan’isany no efa vita? Fanina tanteraka ny mpanara-baovao sy sarambabem-bahoaka hoe inona ihany ary izy ity? Inona ihany ilay tena tiana atao fa toa mpitondra mpianjoria na “aventurier”, hoy ny fiteny vahiny izay no hita ankehitriny? Anatina fe-potoam-piasanana andrim-panjakana iray no hitsapatsapana ny alalin’ny rano amin’ny resaka fitantanana raharaham-pirenena. Rehefa hita fa tsy nisy vokany afa-tsy fahantrana miavosa ilay izy ankehitriny dia io hita ho vakiana fotsiny samy mifantoka sahady amin’ny fifidianana hoavy io daholo amin’izay. Ny sasany toy ny lasa akaiky indrindra ny filoham-pirenena tampoka izany na dia nampiseho endrika ho toy ny mpanohariana aza teo aloha teo. Ny sasany indray milaza azy ho tsy faly nefa mbola midongy hiara-hihinana ao an-dapa hatrany. Dia hifamorika sy hifanao mpamosavy malemy ao fotsiny ve izany mandram-pahatapitry ny amin’ny herintaona? Ny fitsinjovana ireo vahoaka izay miha sahirana hatrany amin’izany hatraiza sy ahoana ?
J. Mirija