tia tanindrazana

Parution du Vendredi, 30 Juillet 2021

airtel

Edito

Ny teo ihany no eo

Ny tanana zatra mitsotra, hono, tsy afa-mivonkona intsony. Misy koa ilay fomba filaza iray izay hoe kolontsaina raiki-tapisaka.

07-juin-2021

Sample post image

Toy ny miverina miaina indray ny tetezamita 2009 amin’ny endriny 2021 ankehitriny ny Malagasy rehefa mijery ny zava-misy sy ny hetsiketsika miara-dalana amin’izany rehetra. Ny teo ihany no eo. Ny fomba fiasan’ny fitondrana nisy tamin’izany ihany no toa mbola tahafin’ny fitondrana mijoro ankehitriny ary na efa tsy tetezamita, ilay nireharehana tamin’izany fotoana hoe tsy nisy famatsiam-bola nefa nahafaha-nihetsika ihany, intsony aza fa repoblika nankalazaina fa tsy misy atahorana ny amin’ny ahatongavan’izany famatsiam-bola izany no iainana ankehitriny dia io iaraha-mahita io fa tsy mety tafavoaka ny firenena. Fisandratana no nandrandraina saingy fahasahiranana miampy isan’andro hatreto no hiainan’ny vahoaka. Tsaroana tsara tamin’izany ny fanakatonana kianjan’ny demokrasia rehefa tsy zakan’ny fitondrana nijoro izay nitokana azy ihany ny demokrasia am-pilaminana naseho tao anatiny tao. Navadika ho vala botanika mihitsy moa izany ankehitriny. Nitovy ihany ny mpifandrina politika nisy tamin’izany sy amin’izao ary efa tamin’izany no nisy an’io endrika fanakantsakana sy fanelingelenana ny mpifanandrina politika amin’ny tena io. Tsy navela niditra teto an-tanindrazana ny filoha teo aloha, Marc Ravalomanana, ary amin’izao moa dia io iaraha-mahita fa araha-maso hatraiza hatraiza io. Naneho fahendrena nandritry ny 4 taona, hoy ny filazam-baovao iray izay, ny filoha Andry Rajoelina, fony izy tsy teto nandritry ny fitondrana Rajaonarimampianina. Nitombo fahamatorana ihany koa, hoy ny fanasohasoana hafa saingy iaraha-mahita ity ny zava-misy. Tsy voafehy ny toekarena, ny sosialy, ny politika, ny fitantanana ny raharaham-pirenena amin’ny ankapobeny. Toy ny tamin’izany ihany. Ny teo ihany, hatreto, no eo.

J. Mirija

Dans la même rubrique

Card image cap
Ny tody tsy misy fa…
30-juil-2021

Tao anatin’ity fitondrana Rajoelina ity no betsaka indrindra ny toe-javatra mamohehitra na “scandales” miseho. Toa niniana tsy noraharahiana, ary niaraha-naheno teto ny hoe: “izahay aloha izao no mitondra”. Fady

Card image cap
Fahalemena tsy zaka
29-juil-2021

Efa ny mpiaradia amin’ny fitondram-panjakana mihitsy izany izao, mba tsy ilazana hoe ny samy ao anaty fitondrana, no miaiky fa tsy ny mpanohitra azy ireo loatra no sakana

Voir plus