tia tanindrazana

Parution du Jeudi, 17 Juin 2021

airtel

Edito

Saino tsara izay lazaina e !

Herintaona manodidina ny 700 eo ny maty teto amintsika. Any Brésil 4000 isan’andro ny maty, any Inde 3000 isan’andro, hoy ny Filoham-pirenena.

03-mai-2021

Sample post image

 Toa manome vahana ilay nambaran’ny Minisitry ny fahasalamana tamin’ny haino aman-jery vahiny, fa misy ny mamoy ny ainy eto Madagasikara, saingy tsy dia mampitahotra be tahaka ny any Afrika Atsimo. Ekena fa mitombina araka izay hiheverany azy, saingy manindrona sy marary ny Malagasy namoy havana aman-tsakaiza. Mila havadibadika im-pito ny lela vao miteny. Fomba firesaka toa efa mahazatra io mampitaha amin’ny any ivelany io hoentina milaza fa mety sy mahomby ny atao. Sarotra izany hiaika fa misy ny lesoka io, ary tsy maintsy mikaroka hevitra hoenti-manadio sy manatsara tena. Tany aloha dia nampitahaina tamin’ny olona matin’ny lozam-pifamoivoizana na zavatra hafa, ka noraisina mihitsy hoe tamin’ny herintaona tahaka izao dia toy izao sy izao ny maty, kanefa isika nisy valanaretina dia izao sy izao ny antontan’isa. Mba azon’ny mpitondra an-tsaina sy mba mahataitra azy ve fa ny 35% mahery tamin’ny olona maty hatrizay anie ka tao anatin’iny iray volana farany nitsahintsika iny e? Resahina ny hanasoa sy hanavotra ny vahoaka Malagasy, izay hisaorana betsaka ny Fanjakana, saingy ny fanamaivanana ny zava-misy aloha mety hahatezitra sy hahatofoka ny olona. Tsiahivina hatrany ihany koa, fa tsy resaka valanaretina ihany no raharaham-pirenena eto, fa maro ny fampanantenana noresahina, misy olana ara-tsosialy eto, misy krizy politika, ny toekarena mitotongana,… Maro ny fampanatenana natao, mila famahana olana ny rehetra. Tokony hisy ny fitsinjaran’asa, fa tsy handeha hitsena tavoahangina “oxygène” ihany no atao hoe miasa, ary vitana minisitra tsotra izany, fa tsy voatery hataona Filoham-pirenena. Adino na hiniana hikipiana ny olana maro samihafa avy eo. Mbola fanontaniana mipetraka ihany koa ny hoe: mbola misy Praiminisitra ve eto sa mihiboka araka ny tenin’ilay mpanao politika iray? Tena miasa sy mahavaha ny olana samihafa momba ny sehatra iantsorohany ve ny Minisitra tsirairay sa efa mihiboka tanteraka ihany koa ?

Toky R

Dans la même rubrique

Card image cap
Tsy ho any ivelany intsony ve izany ?
17-juin-2021

Adihevitra nanomboka omaly ny fisian’ilay fampitam-baovaon’ny Masoivoho Frantsay

Card image cap
Tenenina sy anarina foana…
16-juin-2021

Andeha atao hoe nanao kobaka am-bava daholo tokoa ary ny mpitondra hafa rehetra nialoha izao fitondrana izao tao anatin’izay 60 taona izay.

Voir plus