tia tanindrazana

Parution du Vendredi, 25 Novembre 2022

airtel

Edito

Tsipaky ny miala aina

Hikoha-maina tokoa aza moa atao maika fa misy sery hanilihana. Miakatra ny daozin'ny vava tsy ambina ara-politika vao vory vahoaka kely.

12-sept-2022

Sample post image

Raha atao anefa ny kajy, 10% tamin'ny nampanantenaina no tanteraka raha be indrindra. Hatramin'ny akama mpiara-misaika fahiny no miaiky sy milaza ankehitriny fa nitombo ny tahan'ny mahantra, nitotongana ny toekarena, ka tsy afa-miala ny Fanjakana na inona na inona holazaina. Tsy arakaraka ny vava be ny vokatra, miharatsy ny sary politika, mampanahy ny ho avy,... Tsy marin-toerana ny toe-draharaha politika, mitombo ny fanehoan-kevitra mahery vaika, manangam-bovona ny Fanjakana saingy tsy hery fa tahotra. Ambony ny tsindry na ato anatiny na iraisam-pirenena. Mody mipetra ho lasibatra rehefa mafy ny ady, mamorona atsanga tsy aman'orana, mitady izay fomba hanodinana saim-bahoaka andro aman'alina,... Tonga hatramin'ny fampitenenana ny manam-basy tsy rony tsy ventiny eo. Tsy vitan'ny mampihorohoro, manao don-tandroka kanefa mbola tsy mahatoky tena, eny efa manao tsipaky ny miala aina. Miharatsy ny tsio-drivotra politika, mihasarotra ny toe-draharaha, efa manisa volana sy andro ny rehetra hitsimbadihan'ny tantara.
Toky R
 

Dans la même rubrique

Card image cap
Misy fetrany
25-nov-2022

Nahoraka omaly ny fanemorana, mba tsy hilazana hoe fanafoanana, ny fanolorana eo anoloan’ny fitsarana ny raharaha Ketakandriana Rafitoson,

Card image cap
Ho lasan’ny vahiny ambongadiny
24-nov-2022

Raha azon’ireo razambe niady sy nifofotra tamin’ny fitakiana izany fahaleovantena izany angamba no mifoha sy mitsangana any amin’izay misy azy any efa nifoha izy ireo manoloana izao zava-misy izao?

Voir plus