airtel

Fahasalamana

08-mai-2024

ANKIZY KAMBOTY VOKATRY NY SIDA

An-tapitrisany maro nanomboka ny 2015

Sample post image

Tsy ny lehibe ihany no mahita faisana vokatry ny fiparitahan’ny tsimok’aretina Vih/SIDA

08-mai-2024

manerantany fa ny ankizy tsy manan-tsiny ihany koa. Mahatratra an-tapitrisany maro izy ireo no kamboty nilaozan-dRay na ny Reniny nanomboka ny taona 2015 no mankaty raha araka ny fanadihadiana natao. Noho ny fisian’ireo olona lasibatr’ity areti-mandoza iray ity 4 isaky ny 15 segaondra manerantany no voalaza fa anton’izany, ireto farany izay tsy mahalala manao fitiliana ihany koa ny ankamaroany nefa tsy mitsahatra manaparitaka ilay aretina. Ho antsika eto Madagasikara manokana dia vao 7 isa amin’ireo 1000 ahiana ho marary no mbola manaraka fitsaboana amin’izao. Ankoatra ny fiarahan’ireo mitovy fananana dia anisan’ny antony mampifindra haingana ity tsimok’aretina ity ho antsika eto an-toerana ihany ny fivarotan-tena izay mirongatra fatratra amin’ny tambajotran-tserasera Facebook raha eo ihany koa ny fampiasana ireo karazana fitaovana tsy voadio. Ireo tanora no tena maro an’isa voa vokatr’izany. Fantatra moa fa mifindra amin’ny alalan’ny fampinonoan-dReny ihany koa ny aretina SIDA. Nankalazaina omaly Talata 07 May ny andro manerantany hahatsiarovana manokana ireo ankizy kamboty vokatry ny areti-mandoza SIDA. Mbola tsy hananantsika salan’isa izy io raha ho an’i Madagasikara manokana.
Pati
Legende : Ireo olona marary nefa malaina manao fitiliana no tena manaparitaka ny aretina SIDA manerantany !
 

Dans la même rubrique

24-juil-2024

14 taona tamin’ny volana martsa teo izao no nijoroan’ny Manda Bio Santé, hoy ny tompony

Card image cap