DISTRIKAN’IKONGO

Malemilemy dia mamaibe ireo olona ireo hoy ny vaovao azo. 9 volana no zandriny indrindra raha mihoatra ny 80 taona no zokiny indrindra ka ho an’ny ankizy dia 3 andro eo ho eo ihany izy ireo dia efa mamoy ny ainy raha vantany vao tratran’ilay aretina. Maharitra herinandro kosa izany ho an’ny olon-dehibe. Raha araka ny loharanom-baovao azo hatrany moa dia ny 10 tamin’izy ireo no fantatra fa voan’ny tazo mahery. Ny 20 isa ambiny kosa mbola tsy fantatra izay tena nahazo azoy. Rehefa nanontaniana ny mikasika ity tranga ity moa ny Ministeran’ny Fahasalamam-bahoaka dia fantatra fa vao hanao fanadihadiana lalina izy ireo hamantatra izay antony nahafaty azy 20 mianaka ireo marina. Mikasika ny aretina tazomoka dia fantatra fa anisan’ny antony mahafaty ny olona any Ikongo ny halaviran’ny tobim-pitsaboana. Misy mahavita mandeha dia an-tongotra mandritra ny 24 ora ny sasany vao mahita izany nefa ny lalana koa ratsy sady atahorana ny tsy fandriampahalemana. Maika ny fandraisana andraikitry ny Fitondram-panjakana manoloana izany.
Pati