Fahasalamana sy firaisana ara-nofo

Ny ankamaroan’izy ireny dia tsy mahatazona tsiron’aina rehefa manao firaisana raha misy koa ireo kely loatra ny filahiany ka tsy afaka manome fahafinaretana ny olon-tiany na ny vadiny. Raha araka ny resaka nifanaovana tamin’ny mpitsabo Mandimbison Rija, tompon’andraikitra voalohany etsy amin’ny Centre Ainasoa etsy Namontana dia ny 50%-n’ireo lehilahy na tovolahy manana io olana io no tonga manatona azy ireo. 18 taona no zandriny indrindra amin’izany izay mbola tsy manam-bady akory. Raha araka ny fanazavan’ity mpitsabo ity moa dia tokony ho 15 minitra eo ho eo ny fanaovana firaisana ara-nofo raha voafehin’ny sainan’ny lehilahy tsara. 30 minitra kosa raha betsaka indrindra raha tiana hahazo fahafinaretana tsara ilay vehivavy. Ao anatin’izay fotoana izay mantsy hoy izy vao mety ho tonga any amin’ny lanitra fahafito araka ny filaza azy ny vehivavy iray. Tsy tokony hataon’ny lehilahy ambanin-javatra noho izany ny fifehezana ny saina rehefa manao firaisana ara-nofo mba samy hahazo fahafinaretana ny roa tonta.Antony miteraka ny fisaraham-panambadiana sasany eo amin’ny mpivady ihany koa mantsy izany. Ho azy ireo manokana dia afaka manampy ny lehilahy amin’ireo karazana vokatra natoraly toy ny henjana plus….izy ireo.
Pati
Legende : Zava-dehibe eo amin’ny mpivady ny firaisana ara-nofo hoy ity mpitsabo ity ka tokony hotandrovana fatratra !