Fahasalamana

 Ny fisian’ny fampianarana ho mpitsabo eny anivon’ny sekoly tsy miankina ambony sisa hoy izy no mba mampisy fanantenana nefa tsy miova ihany koa ny isan’ny mpianatra havoakan’izy ireny aorian’ny fito taona no mihoatra hanaovan’ilay mpianatra fandalinana. Notsiahiviny anefa fa ny 8%-n’ny mponina ihany raha misy no misitraka fitsaboana mifanaraka amin’ny filany. Ny ankoatra izay dia voatery mitsabotsabo tena araka izany mahamety azy avokoa hoy izy na dia maro aza no tsy ara-dalana. Ho an’ireo mponina any ambanivohitra dia notsiahiviny manokana fa mandeha dia an-tongotra mandritra ny ora telo mandroso sy miverina ny marary iray na vehivavy handeha hiteraka iray vao mahita hopitaly afaka handray azy. Tsy fantatra intsony hoy izy ireo efa namoy ny ainy teny an-dalana izay tranga tena mampalahelo tokoa. Manantitrantitra araka izany dokotera Fidy Bariniaina fa ny fampiroboroboana ny sekoly ambony tsy miankina hanofana ho mpitsabo ireo tanora mpianatra ihany no tena vahaolana ho enti-miady amin’izany hisorohana ny fanaovana dokotera tenany sy ny fandehanana any amin’ny dadarabe.
(Sary fanehoana)
Pati