izay tsy ny voky taona irery intsony no hataony mahita faisana fa hatramin’ireo tanora vao herotrerony mihitsy. Hatreto raha araka ny fanazavan’Atoa Mandimbison Rija, tompon’andraikitra voalohany eo anivon’ny Centre Ainasoa etsy Namontana dia mitondra takaitra na maty ny 25%-n’ireo olona voany. Ho an’ity farany manokana dia mivilana ny vava, mety tsy ho afaka handeha tsara ihany koa ny tongotra, miraikitra ny lela ary mety tsy ho tafatsangana intsony no hiafarany raha tsy voatsabo haingana. Anisan’ny antony mahatonga ny olona iray ho tratry ny AVC raha tsiahivina ny fisotroana toaka sy ny fifohana sigara. Eo ihany koa ny fihinanana sakafo mamy loatra sy be akora simika, ny be menaka loatra izay lasa mankany amin’ny ra ka mampivaingana azy. Mety hanafaingana ny fahatongavan’ny AVC koa anefa ny fihetsem-po diso tafahoatra indrindra fa ny alahelo arahin’ny rarin-tsaina.
Pati
Legende : Mandimbison Rija, tompon’andraikitra voalohany eo anivon’ny Centre Ainasoa etsy Namontana !
