Oniversiten'Antananarivo

Hitohy ny fiaraha-miasa eo amin'ny Oniversiten'Antananarivo avy amin'ny alalan'ny Ecole Doctorale Science de la Vie et de l'Environnement sy ny Institut Pasteur de Madagascar. Nisy, omaly, ny fanaovan-tsonia nifanaovan'ny andaniny sy ny ankilany ho fanamafisana izany, izay mifantoka indrindra amin'ny fandraisana mpianatra hanao fikarohana ny votoatiny. Mpianatra nivoaka avy eo anivon'ny Fakioltean'ny Siansa sy ny Fakioltean'ny Fitsaboana rahateo no ankabeazan'ny mpisehatra eo anivon'ny Institut Pasteur. Nohamafisina teto fa ny Oniversiten'Antananarivo dia manohana hatrany ny fiaraha-miasa miaraka amin'ireo sampana sy rafitra misehatra amin'ny fikarohana, ahafahan'ireo Mpampianatra sy Mpianatra manao fikarohana sy mampiasa izany ho tombotsoan'ny rehetra.
Jean D.