airtel

Fampianarana

29-févr-2024

ANDRON’NY SEKOLY TAO ALASORA

Niara-nisakafo ny Ben’ny tanana sy ny mpianatra

Sample post image

Tafiditra ao anatin’ny fanamarihana ny andron’ny sekoly isika eto Madagasikara ankehitriny.

29-févr-2024

Niavaka kely izany ho an’ny kaominina Alasora, distrikan’Avaradrano. Nanasa ny Ben'ny tanana Randriantsoa Jimmy niara-nisakafo taminy mantsy ireo mpianatra ao amin’ny EPP Ambatomalaza omaly Alakamisy 28 Febroary. Ity sekoly ambaratonga fototra iray ity raha tsiahivina dia misy cantine scolaire in-4 isan-kerinandro ka ny Association Madagascar Action Solidaire any Simandre(France) no mamatsy vola izany. Ny fiadidian’ ny tanana no niezaka nitady ny mpiara-miombon'antoka izay mbola hotihizana hatrany hanampiana ireo EPP miisa 8 tsy mbola manana izany ao Alasora. Ankoatra ny fijerena izay mahasoa ny mpianatra tahaka izao moa dia tsy nanadino ny nijery mikasika ny herisetra mianjady amin’ny vehivavy sy ny ankizy ao amin’ny faritra misy azy ihany koa ny kaominina sy ny mpitandro ny filaminana ao an-toerana ary ny Ministeran’ny Filaminam-bahoaka. Nisy ny atrikasa mahakasika ny VBG notanterahin’izy ireo teny amin'ny Yandy By-Pass, izay nandraisan'ny mpianatra avy ao amin'ny Lycée TASC anjara, ireo STD, ary ny fikambanana maro samy hafa.Raha araka ny fantatra mantsy dia anisan’ny toerana ahitana tarehimarika avo dia avo ny kaominina Alasora amin’ny herisetra mahazo ny vehivavy sy ny ankizy. Antony ,mahatonga izany ny fidonanam-poana mahazo ireo lehilahy sy ny fahasahiranana ao an-tokantrano ateraky ny fiakaran’ny vidim-piainana hany ka ireo zaza amam-behivavy no hifatraran’ny rihitra. Amin’ny alalan’ny fanabeazana sy fifampitaizana tahaka izao no hamahan’ny kaominina ny olana araka izany arahin’ny fikarakarana ireny karazana lalao baolina kitra ireny mba hahafahan’ny mponina miala voly hoy ny Ben’ny tanana Randriantsoa Jimmy.
Pati
Legende : Faly tahaka izao ireo ankizy mpianatra niara-nisakafo tamin’ny Ben’ny tanana !
 

Dans la même rubrique

25-juin-2024

Efa tena mandeha ny fiatrehana ny fidiran’ny mpianatra taom-pianarana vaovao 2024-2025

Card image cap
24-juin-2024

miisa 110 ireo mpianatra nanala fanadinana C.E.P.E tao amin'ny École Primaire Père Pedro Mahatsara

Card image cap
24-juin-2024

Toy ny isa-taona dia tsara hatrany ny voka-panadinana CEPE ho an’ny Akanin’ny

Card image cap