airtel

Fampianarana

21-févr-2024

ARIVONIMAMO

Nahazo oniversite hianaran’ireo tanora

Sample post image

Nahazo oniversite hahafahany manohy fianarana sy mampitombo ny fahalalany

21-févr-2024

ireo tanora mpianatra ao amin’ny Faritra Itasy. Napetraka ao Arivonimamo ny fanampin’izany foto-drafitrasa izany araka ny fampitam-baovao voaray avy amin'ny Minisiteran'ny fampianarana ambony sy ny fikarohana ara-tsiantifika. Mifandray mivantana amin’ny Oniversiten’Itasy io oniversite io. Afak’omaly Alatsinainy 19 Febroary no natomboka tamim-pomba ofisialy ny taom-pianarana tao an-toerana, ahitana lalam-piofanana miisa roa dia ny informatika sy ny toe-karena, izay mamaly ny filan’ny Faritra, noho ity faritra ity manan-karena sy mamokatra. Tanjona ny hanomezana fampianarana tsara kalitao sy fampianarana manakaiky vahoaka, raha araka ny fanazavana azo. Tsiahivina moa fa ny Oniversiten'Itasy dia nametraka ny rafitra fitarihana asa virtoaly na ny "système d'orientation professionnelle virtuelle", hahafahan'ireo mpampianatra matihanina sy mpandraharaha any amin'ireo orinasa tsy miankina sy ny mpampianatra avy any ivelany mandray anjara amin'ny fampianarana. Efa am-polony maro sahady ireo mpianatra manovo fahalalana ao amin’ity oniversite iray ao Arivonimamo ity, raha araka ny vaovao azo hatrany.
Pati
Legende : Efa mianatra tahaka izao ireo tanora manovo fahalalana ao amin’ny Oniversite-n’Arivonimamo !
 

Dans la même rubrique

15-avril-2024

Ilaina atao laharam-pahamehana ny fampianarana raha tiana ny handroso, hoy ny Pr Raoelina Andriambololona,

Card image cap
15-avril-2024

Kely sisa dia hirodana tanteraka ny sekoly miankina amin’ny fanjakana na EPP ao Ankoby,

Card image cap