airtel

Fampianarana

17-avril-2024

Bakalorea ho an'ny "candidats libres"

Tena tamim-piheverana ve ny fanapahan-kevitra ?

Sample post image

Nisy ny tenimita na naoty navoakan’ny Ministeran’ny fampianarana ambony sy ny fikarohana Ara-tsiansa ny 22 martsa 2024,

17-avril-2024

namaritra fa eny amin'ireo renivohi-paritra ihany no hisy ny foibem-panadinana ho an’ireo "candidats libres" na mpiadina tsy miankina amin'ny sekoly ho an'ny fanadinana bakalôrea 2024, ary atambatra anaty efitra izy ireo. Ny lojikan'io izany dia mamonjy an'i Toamasina, renivohitry ny Faritra Atsinanana ireo "candidats libres" avy any Marolambo, Mahanoro, Vatomandry, Brickaville, Antanambao Manampotsy... Miazo an'i Maintirano ireo "candidats libres" avy any Antsalova, Morafenobe, Besalampy, Ambatomainty... Miazo an'Ambatondrazaka renivohitry ny faritra Alaotra Mangoro ny any Anosibe an'Ala, Moramanga, Amparafaravola, Mamonjy an'Antananarivo raha any Ankazobe, Andramasina,... Fanapahan-kevitra tsy am-piheverana, hoy ireo mpisehatra amin'ny fampianarana, toy ny vovonana iraisan'ny sekoly tsy miankina. Mitombo ny fahasahiranana ho an'ny mpiadina na ara-potoana na ara-bola, na ara-panomanana. Miteraka fahakiviana samihafa. Tena fanatsarana no tanjona sa zavatra hafa? Samihafa ve ny lentan'ny bakalorea ho an'ny kandida tsy miankina amin'ny sekoly sy ny tsy miankina no tonga amin'izao fanapahan-kevitra izao? Inona no tena tanjona satria raha ny lojika dia fanamorana ny fahafahan'ny tanora miatrika fanadinana aza no tokony hatao. Asa izay ho tohin'ity fa toa hafahafa no andraisan'ny rehetra ilay fanapahan-kevitra tsy fahita hatrizay. Manampy trotraka an'io, nirotsaka ho kandida avokoa ireo Minisitra telo misahana ny fampianarana ka asa hoe: mbola misy lanjany amin'ny Fitondrana ve ny fampianarana sa tena potehina mihitsy ? Tamin'ny taon-dasa bakalorea labozia dia sanatrian'ny vava ho inona indray no hiseho amin'ity?

Raha ny antontan’isa kosa, dia voalaza fa 20% hatramin’ny 50% ny taham-pisoratana anarana ho an’ireo mpiadina bakalorea aty amin’ny herinandro latsaka tsy hifanaranan’ny fe-potoana hifaranany. Ambany hatreto ny taham-pisoratana anarana voarakitry ny Ofisin’ny bakalorea manerana ny Nosy amin'ity fanadinam-panjakana, saingy mbola izao arahina fanasarotana izao.
Toky R
 

Dans la même rubrique

25-juin-2024

Efa tena mandeha ny fiatrehana ny fidiran’ny mpianatra taom-pianarana vaovao 2024-2025

Card image cap
24-juin-2024

miisa 110 ireo mpianatra nanala fanadinana C.E.P.E tao amin'ny École Primaire Père Pedro Mahatsara

Card image cap
24-juin-2024

Toy ny isa-taona dia tsara hatrany ny voka-panadinana CEPE ho an’ny Akanin’ny

Card image cap