.jpg)
an’ireo mpiadina niatrika ny fanadinam-panjakana Bakalorea omaly ny zava-niseho nanerana ny Nosy. Nivoaka mialoha tamin’ny tambazotran-tserasera mantsy ny laza adina hany ka voatery ny laza adina fiandry ny nasolo izany. Voatery niandry tamin’ny fanaparitahana sy ny fanaterana io laza adina fiandry io avokoa noho izany ny rehetra hany ka nihemotra ihany koa ny fotoana nanombohana ny laza adina. Ho an’ny foibem-panadinana CEG Anosibe Antananarivo ohatra dia tamin’ny 03 ora sy fahefany vao nanomboka ny laza adina omaly hariva izay maharitra ora 4 ho an’ny taranja Histo-geo. Iaraha-mahalala anefa ny fahatapahan-jiro lavareny eto amintsika ka voatery nanao tsipaipaika nividianana labozia ireo Ray aman-dRenin’ny mpianatra. Tsy vitsy ihany koa ireo nitady vola manokana mihitsy nandehanana taxi-moto sy fiara karetsaka omaly hariva nitsenana ireo menaky ny ainy tara fodiana. Tamin’ny 07 ora sy sasany hariva mantsy izany vao nifarana tanteraka izany ho an’ity foibem-panadinana iray ity. Ho an’ny fari-piadidiam-pampianarana Andilamena indray dia omaly tamin’ny 07 ora hariva vao nanomboka izany, nifarana tamin’ny 11 ora alina izay trangan-javatra efa tena tsy izy intsony mihitsy. Anio Alakamisy anefa tsy maintsy mbola hifoha maraina indray….Tokony hosamborina sy hatao hazalambo tanteraka ireo olona tratra manao zava-doza tahaka izao fa tena manakorontana ny mpiadina no sady fanetriben’ny firenena.
NIPARITAKA IREO TEKNISIANA
Ho an’ny orinasa JIRAMA manokana dia fantatra fa niezaka ny tsy hisian'ny fahatapahan’ny herinaratra ireo tompon'andraikitra sy teknisiana rehetra omaly hariva mandritra ny fotoana nanaovan’ireo mpiadina ny fanadinana. Teny ankianja avokoa ireo teknisiana rehetra nanomboka tamin’ny 5 ora hariva nanara-maso ny mety ho fisian’ny "panne" sy ny olana ara-teknika tampoka. Na izany aza mbola nisy ihany ireo faritra lasibatra sy nampitaraina ireo Ray aman-dRenin’ny mpianatra.
Nangonin’i Pati
Legende : Ity ny taratarasy fampilazana ho an’ireo Ray aman-dReny nanan-janaka niadina tao amin’ny CEG Anosibe
