CENTRE AKANY MIVOY

taom-pianarana 2025-2026 ho an'ny Centre Akany Mivoy mitaiza ankizy tsy manam-piahy eto Antananarivo renivohitra. 100 % ny taham-pahafaham-panadinana CEPE raha 100 % toraka izany ihany koa ny BEPC. Mpiadina iray no niatrika izany ho an'ity farany ka afaka soa amantsara. 74 % kosa ireo nifindra kilasy. Nankasitraka feno ireo mpiara-miombon'antoka rehetra ireo Ray aman-dRenin'ny mpianatra sy ireo tompon'andraikitra eo anivon'ny Centre noho izany. Anisan'izany ny kaominina Antananarivo renivohitra, ny Néa Madagascar, ASMAE, AIC, KOZAMA , Fondation Mérieux, Région Île de France, ny ekipan'ny EPP Anosibe....Samy nanao izay vitany mantsy izy ireo tamin'ny famatsiana fitaovana ny centre nampianarana ireo zaza tsy manan-tsiny an-jatony ireo. Toraka izany koa ny fitafiana, indrindra fa ny sakafo nohanina isan'andro nahafahan'ireo mpianatra nifantoka tanteraka tamin'ny fianarany. Tsiahivina fa efa taona maro no nijoroan'ny Centre Akany Mivoy teto amintsika. Ankizy an-jatony isan-taona no karakarainy sy beaziny avy amin'ny Boriborintany 6 eto Antananarivo renivohitra.
Pati
Légende : Mitaiza ankizy madinika ihany koa ny Akany Mivoy !