airtel

Fampianarana

07-juin-2023

Fampianarana

CEPE andrana andiany faharoa Ny taranja Frantsay sy laza olana no tena mampikolay ny mpiadina

Sample post image

Afaka 13 andro eo ho eo sisa dia hiatrika ny fanadinana ara-panjakana CEPE ireo kilonga madinika miisa 515.081

07-juin-2023

manerana ny Nosy izay hitsinjara amina foibem-panadinana miisa 1995 sy efitranom-panadinana 14.801 isa. Ho an’ny distrikan’Antananarivo Atsimondrano manokana dia niatrika ny fanadinana CEPE andrana andiany faharoa nokarakarain’ny ZAP izy ireo omaly talata 06 Jona. Amin’ny ankapobeny dia ny taranja laza olana sy ny frantsay no tena mbola mampikolay ireo mpiadina. Tena nampahazo aina azy ireo kosa omaly ny taranja jeografia sy Malagasy. Na izany aza efa vonona ireo mpiadina amin’ny ankapobeny. Ny mamerina ireo karazana raikipohy sy tsara ho fantatra madinidinika sisa no tanterahin’izy ireo raha efa vita rahateo ny fandaharam-pianarana ho an’ny sekoly nanaovanay fanadihadiana. Hatreto dia ny famerenan-desona sisa no tena hibahana amin’ny fandaharam-potoanan’ny sekoly tsirairay avy na ho an’ireo mpianatra hiatrika ny fanadinam-panjakana izany na ho an’ireo mpianatra hiatrika ny fanadinana tsotra hahafahana mifindra kilasy. Hotanterahina manomboka amin’ny Alatsinainy ho avy izao ihany koa mantsy ny fanadinana farany amin’ity taona ity, ho an’ireto farany.
Pati
 

Dans la même rubrique

18-juil-2024

Nanao antsoavo ho an’ny filohan’ny repoblikan’i Madagasikara sy ny praiminisitra lehiben‘ny governemanta

Card image cap
18-juil-2024

Misy milaza ho mahita laza adina Bakalorea sahady ary mivarotra izany ao anaty

Card image cap