Nijery manokana ireo ankizy mpianatry ny sekoly ambaratonga fototra ao Mahitsy Alasora izy ireo ny zoma lasa teo niaraka tamin’ny fikambanana Association Mère et enfant, tarihin-dRamahandry Soafara. Nisy araka izany ny fanolorana kojakoja toy ny ranom-boankazo, vatomamy sy fitafiana ho an’ireo kilonga madinika miisa 200 manovo fahalalana eo anivon’ity sekoly ity indrindra amin’izao vanim-potoana mampahazo vahana ny hatsiaka mamirifiry eto amintsika izao. Nisy ihany koa ny fanolorana fanampiana ho an’ireo Ray aman-dRenin’ny mpianatra izay nahitana paty, menaka, siramamy, ….Izany no natao moa dia ho fanampiana ireo Reny sy ankizy madinika amin’ny fiatrehana ny fiainana andavanandro. Tsiahivina fa efa fanindroany izao ny fiaraha-miasan’ny Association Mère et Enfant sy ireo Reny ao anatin’ny kaominina Alasora.
Pati