omaly alatsinainy 12 septambra 2022 ho fanatsarana sy hanohanana ny sehatry ny Fanabeazana. Anisan’izany ny « Fondation BOA » ; ny fikambanana « Antilin’i Madagasikara » ; ny « Jeune Advantiste » ; ny fikambanana « Kiadin’i Madagasikara » ; ny « ONG DEFI » ; ny « Autisme Fédération de Madagascar » izay miara-miasa amin’ny « Orange Solidarité Madagascar » ; ny fikambanana « Kolo Zaza Malagasy » ary ny « SEED Madagascar ». Asa fanavaozana sekoly ; fanabeazana ho olom-banona sy fampianarana fahaiza-miaina ; fanomezana fiofanana ho an’ireo mpanabe zaza sy ankizy « autiste » ; fanomezana fanabeazana ho an’ireo ray aman-dreny sy ireo zaza madinika ; ary fanomezana fampianarana mikasika ny fahasalamana sy ny zo ara-pananahana eny anivon’ny sekoly ambaratonga faharoa, no niompanan’ireo fiaraha-miasa natao sonia ireo. Nankasitraka sy nanantitra ny fisaorana ho an’ireo mpiara-miombon’antoka ireo ny Minisitry ny Fanabeazam-pirenena, Marie Michelle Sahondrarimalala, ary nanamafy fa mbola vonona hatrany ny amin’izay mety ho fitohizan’ny fiaraha-miasa na izay fomba hanitarana ireo tetikasa ireo izay hisandrahaka manerana ny Nosy.
Nangonin’i Pati
Legende : Santionany tamin’ny fifanaovan-tsonia vita omaly
Mampiaka-peo manoloana ny olana samihafa miverimberina ny mpianatry ny oniversiten’Antananarivo
Anisany mpandray anjara tamin'ny hetsika Madagascar school Fair teny amin'ny Radisson Blu
Hafakely ny tranga nandritry ny fanadinana bakalorea tany Ambositra ny andro voalohany,