tia tanindrazana

Parution du Jeudi, 30 Juin 2022

airtel

Fampianarana

Fifaninanana Hackathon DevFest 2021 Azon’ny IT University ny laharana voalohany sy faharoa

Azon’ireo mpianatry ny IT University Andoharanofotsy izay oniversite miompana indrindra amin’ny tontolon’ny informatika avokoa ny laharana voalohany sy faharoa tanatin’ny fifaninanana Hackathon DevFest 2021.

26-oct-2021

Sample post image

 Ny tarika na Team Hellfail no nandrombaka izay fandresena izay tamin’ny alalan’ny tetikasany mitondra ny lohanteny hoe “Système d'état civil et de gestion d'identité des citoyens”, izany hoe mikasika ny rafitra tokony hitantanana mombamomba ireo olompirenena, raha fintinina tsotra. Nahazo 1.500.000 Ariary avy amin’ny Bocasay, «Incubation » ao amin’ny Nexta, Power box, “injection” 3Go mandritry ny 6 volana avy amin’ny orinasam-pifandraisana Telma. Ho an’ny Team Digitall izay nahazo ny laharana faharoa kosa ary nitondra ny tetikasa mitondra ny lohanteny hoe «Carte d'identité numérique des citoyens malgaches, visant à faciliter les processus gouvernementaux au sein des divers ministères», izany hoe resaka mikasika ny atao hoe kara-panondro nomerikan’ny olom-pirenena malagasy izay mikendry hanamora ireo dingana ara-panjakana eny anivona minisitera maro dia nahazo 1.000.000Ariary avy amin’ny GDG Antananarivo miampy “Incubation” ao amin’ny Nexta sy Power box ihany koa ary “injection” 3Go mandritry ny 3 volana avy amin’ny orinasa Telma hatrany. Mandray anjara fooana amin’ireo endrika fifaninana tahaka izao ny mpianatra volavolain’ny IT University ary matetika no mandrombaka ny fandresena; tsara ho marihana fa maro izy ireo no efa miasa amina orinasa manana ny maha izy azy any ivelany to any atsy amin’ny Nosy Maorisy, Frantsa, Etazonia, Canada…tahaka izany ihany koa ireo orinasa lehibe eto an-toerana izay samy milaza fa mahafa-po ny olona nandranto fianarana tao amin’’ny ITU.

J. Mirija
 

Dans la même rubrique

Card image cap
Fiofanana aman’andro na “formation a la carte” Efa maro no manao azy eto Madagasikara
29-juin-2022

Mitohy hatrany ny fampiofanana matihanina ato amin’ny YS Group, hoy ny isan’ireo mpampiofana, Yves Raheriniaina, tetsy amin’ny foiben’izy ireo etsy Ampefiloha omaly.

Voir plus