airtel

Fampianarana

02-mai-2024

Grevin’ny mpianatra

Nangotraka ny an’ny Politeknika, nanome 72 ora ny Siansa

Sample post image

Nangotraka indray ny grevin’ny mpianatry ny Sekoly ambony Politiknika Vontovorona ny talata 30 aprily

02-mai-2024

teo noho ny antony maro, ka raikitra ny fandrehetan’afo sy fanakanan-dalàna,... ka voatery naiditra an-tsehatra ny Emmo-reg. Mpianatra iray no voalaza fa naratra Takian’izy ireo ny fanatsarana ireo fotodrafitrasa sy ny Kalitaon'ny fampianarana eny anivon'ny sekoly. Maro ireo voalaza fa atony: fahanteran'ireo fotodrafitrasa anivon'ny "Campus" izay mety hitarika loza sy fahamaizana isan-karazany, ireo toeram-pidiovana "Douche + wc" izay efa tena tsy mendrika intsony ny ankamaroany, tsy fisian'ny « connexion internet » mifanaraka amin'ny fianarana, famoahana vatsim-pianarana sy fampitaovana na « équipement » 5 volana,... Nifanindran-dàlana tamin’io, namoaka fanambarana ihany koa ny Fikambanan'ny Mpianatra siantifika na ny FMSA eny Ankatso ka nitaky ny : hamoahana sary faran'izay haingana ny vatsim-pianarana 5 volana miampy ny fampitaovana ho an'ny 2023-2024, hijerena manokana ny « réclamations bourses » 2021-2022 sy 2022-2023, hiakaran'ny vatsim-pianarana eo anatrehan'ny vidim-piainana midangana, hijerena ny famatsiana rano izay olana foana eny amin’ny anjerimanontolo sy ny toeram-ponenan’ny mpianatra. Nanome 72 ora ny Fanjakana hamahana ny olana, ary nilaza fa hiditra amin'ny fitokonana faobe manomboka anio ny 02 mey 2024 raha tsy mivaha ny olana. Andaniny, efa nivoaka ny tetiandron’ny Minisiteran’ny Fampianarana ambony sy ny fikarohana ara-tsiansa mikasika ny fizarana vatsim-pianarana manerana ny Nosy, ary nialohan’ny grevy aza io no voalaza fa efa fantatr’ireo mpitarika. Manomboka ny 6 may 2024 ny fizarana vatsim-pianarana telo volana miaraka amin’ny fampitaovana. Efa mipetraka ao anaty teti-bolan'ny Ministera, saingy maro ireo fepetra izay noraisina mba hanadiovana ny lisitr'ireo mpianatra tena tokony hisitraka ary nisy ny fampiasana ny rindram-baiko sy ny haitao ara-kajy mirindra nahafahana namoaka izany, ankoatra ireo lamina sy pitsopitsony amin'ireo dingana famoaham-bolam-panjakana, hoy ny fanazavana. Ny zoma 26 aprily 2024 lasa teo dia efa nandray ireo solontenan'ny mpianatra eny amin’ny anjerimanontolo ny Minisitra mpisolo toerana Atoa Fidiniavo Ravokatra ary tamin'izany no nanazavana ireo lalan-tsaina sy ny zava-misy, ka niantso ireo mpianatra amin’ny fitoniana sy ny filaminana ny Minisitra.
Toky R

 

Dans la même rubrique

19-juil-2024

Nidina an-dalambe omaly ireo mpianatra mpikaroka mipetraka eny amin’ny Cité R+1 eny Ankatso.

Card image cap
19-juil-2024

Namoaka ny tetiandro momba ny taom-pianarana vaovao 2024-2025 ny Ministeran’ny

Card image cap
18-juil-2024

Nanao antsoavo ho an’ny filohan’ny repoblikan’i Madagasikara sy ny praiminisitra lehiben‘ny governemanta

Card image cap
18-juil-2024

Misy milaza ho mahita laza adina Bakalorea sahady ary mivarotra izany ao anaty

Card image cap