GYMNE BEPC AO AVARADRANO

nanomboka omaly Alatsinainy 12 May. Vita soa aman-tsara ary notokanana tamin’ny Sabotsy 10 May teo mantsy ny fotodrafitrasa mifandraika amin’izany ahitana kianja filalaovana basketball sy volley-ball. Raha tsiahivina kely ny tantara dia tany amin’ny kianjan’Andralanitra hatrany ireo mpiadina BEPC manerana ny ZAP 11 ao Avaradrano no manenjina ny adina ara-panatanjahantena BEPC isan-taona rehefa vanim-potoana tahaka izao. Sady lany saran-dalana izy ireo no lany fotoana ihany koa miampy ny havizanana sy ny tebitebin’ny Ray aman-dReny. Ankehitriny voavaha tanteraka izany olana izany vokatry ny ezaky ny Ben’ny tanana ao an-toerana tamin’ny alalan’ny 3P izay vao nandray ny asany tao anatin’ny 3 volana. Mpiadina miisa 4.334 avy amin’ ny sekoly miankina sy tsy miankina amin ny fanjakana ao anatin’ny fari-piadidiam-pampianaran’ Antananarivo Avaradrano moa no hisitraka izany toy ny ao Ambohimanga , Talata Volonondry , Ambohidrabiby , Sabotsy Namehana , Ankadikely. Tompon’andraikitra maro no tonga nanome voninahitra ny lanonana notarihin’ny Filohan’ny Antenimieran-doholona.
Pati Legende : Ity ilay kianja vaovao vao notokanana !