airtel

Fampianarana

25-mars-2024

INSPNMAD Transit et Douane

Namoaka manam-pahaizana 132 mianadahy

Sample post image

Navoaka tamin’ny fomba ofisialy ny faran’ny herinandro teo ny andiany Finaritra,

25-mars-2024

mpianatra mpikaroka momba ny fadin-tseranana sy ny fanafarana na fanondranana entana eo anivon’ny sekoly ambony tsy miankina INSPNMAD Transit et Douane etsy Ambaranjana. Diplaoma karazany miisa 3 no navoaka, hoy ny fanazavan’i Dr Randrianasolo Jean De Dieu, tale pedagojika eo anivon’ity sekoly ambony ity, dia ao ireo nahazo ny «Diplôme de technicien en droit et technique des affaires». Ny faharoa dia ireo nahazo «Diplôme de technicien supérieur en transit et douane». 85 mianadahy no nahazo azy. Ny «Diplôme de licence en marketing et commerce international» dia mpianatra miisa 46 no nahazo azy. 132 mianadahy izany no manam-pahaizana nahazo diplaoma vaovao. Hisy ireo mbola hanohy fianarana ary hisy ireo hiatrika tontolon’ny asa avy hatrany. Hisokatra ny diplaoma Master I sy Master II ho an’ny dingana «Marketing et commerce international». Hiditra amin’ny talata 8 aprily ireo fa efa misokatra ny fisoratana anarany. Mifototra amin’ny olona manontolo ny fanabeazana eto anivon’ity sekoly ambony ity. Eo ny fahalalana ara-tsaina omena ny mpianatra. Any am-pianarana iny fa eo indrindra koa ny fanabeazana mahaolona manontolo, indrindra, ny ara-panahy. Tsy hisy zavatra manjary rehefa misaraka amin’Andriamanitra. Fanamby apetraka ny hoe tsy misy tsy an’asa na «Chômage 0». Mitrandraka mafy miaraka amin’ny mpianatra sy ireo mpiara-miombon’antoka toy ny ambasady frantsay sy amerikanina ary orinasa maro izahay amin’ny famoronan’asa na fandraharahana. Ofanina hamorona asa ho an’ny tenany, ny fianakaviany, ny fiarahamonina ireo mpianatra, hoy hatrany ny fanazavana.
J. Mirija
 

Dans la même rubrique

13-juin-2024

Nesorina ny chef Cisco anay Razafimpirenena Bien Aimé izay mamy hoditra amin’ny

Card image cap
13-juin-2024

Hahazo tombony amin’ny tetikasa fananganana tranon-tsekoly vaovao ny kaominina Alasora, distrikan’Avaradrano.

Card image cap