KAOMININA AMBOHIDRAPETO

Lasa mirenireny avokoa ny ankamaroan’izy ireny noho izany na nahavita fianarana ara-dalana na tsia. Manoloana io tranga io dia nandray fepetra mifananindry amin’izany ny Ben’ny tananan’Ambohidrapeto, Mihary Andriantsilavo ho fanampiana ireo tanora ao anatin’ny distrikan’Atsimondrano. Hampianatra informatika maimaim-poana izy ireo amin’ny Sabotsy 18 May ho avy izao ao amin’ny biraon’ny kaominina Ambohidrapeto ihany. Karazan-javatra maro no hianarana mandritra izany toy ny informatique bureautique, ny fikirakirana internet ary ny dactylographie. Ao amin’ny biraon’ny kaominina ihany ny fisoratana anarana amin’io andro io. Tanjona ny hanampiana ireo tanora mba hahita asa avy hatrany na dia hanao saisie fotsiny ihany aza, hiarovana azy ireny amin’ny fidonanam-poana. Vokatr’io tsy fisian’asa io tokoa mantsy dia marobe ireo lasa miloka sy mifoka isaky ny elakelan-trano, antony mampirongatra ny fanolanana sy ny tsy fandriampahalemana misy ankehitriny.
Pati Legende : Hahazoana asa haingana ny fahaizana mikirakira ny informatika !