tia tanindrazana

Parution du Lundi, 20 Septembre 2021

airtel

Fampianarana

Kaongresin’ny mpianatra isam-paritra Hangataka fihaonana amin’ny filoham-pirenena

Nanomboka omaly ary hifarana anio etsy Ankatso ny kaongresin’ireo mpianatra mpikaroka amin’ny faritany miisa 6 eto Madagasikara.

14-sept-2021

Sample post image

Ireo solontenan’ny filohan’ny fikambanan’ny mpianatry ny oniversitem-panjakana rehetra no mandray anjara ao anatin’izany, hoy hatrany ny fanazavana. Miondrika am-panajana manoloana ireo namanay maty noho ny fitakian-jo tety amin’ny ambaratonga ambony hatramin’izay, hoy izy ireo. Natao izao fikaonan-doha izao manoloana ny olana miverimberina amin’ny oniversitem-panjakana eto Madagasikara sy ny fisedrana ara-kasa lalovan’ny tanora Malagasy. Isan’ny dinihina mandritr’izany ny tsy fampandehanana ny fianarana araka ny tokony ho izy izay indraindray mihoatra ny 9 volana ny famitana taom-pianarana, ny kalitaon’ny fampianarana, ny tsy fahampian’ny mpampianatra, ny tsy fitovian’ny tetiandrom-pampianarana, ny tsy fitovian’ny saram-pisoratana anarana sy hofan-trano eny amin’ny “cité U”, ny tsy fahampiana sy tsy fisiana aterineto be fisosa, ny olana eo amin’ny fampiharana ny rafitra LMD sy ny fankatoavana diplaoma ary ny resaka fifindrana na “passerelles”. Tsy mipetraka ny politika nasionaly ho an’ny fikarohana eto Madagasikara. Eo koa ny tsy fahampiana sy fahanteran’ny fotodrafitrasa toy ny efitrano fianarana, famakiam-boky, laboratoara, efitrano fampiharana, sy ny maro hafa. Tsy mifanaraka amin’ny fisondrotry ny vidim-piainana intsony ny fampitaovana sy vatsim-pianarana izay ny taona 2014 no zara raha nisy fiakarana farany. Tsy ara-potoana ny fahatongavany. Eo koa ny olana amin’ny fanatanterahana ny “digitalisation”. Tsy mifanaraka amin’ny tolotr’asa ny fampianarana. Tsy mipetraka ny politika fampananan’asa eto Madagasikara. Eo ny tsy fanomezan-kasina ny avaram-pianarana nandranto fianarana teto Madagasikara. Eo ny fanitsakitsahana ny fiandrianan’ny oniversite na “Franchise universitaire”, ny famonjana sy famonoana an-kitsirano mpianatra, ny fandemen-tsaina sy fanaovana antsojay, fandotoana ny hetsiky ny mpianatra amin’ny adilahy politika. Tsy maintsy hangataka fihaonana eo amin’ny tomponandraikitra mahefa, indrindra, ny filoham-pirenena izahay aorian’izao kaongresy izao, hoy hatrany izy ireo.

J. Mirija

 

Dans la même rubrique

Voir plus