Fampianarana

amin’ny fanamboarana biriky, antony tsy maintsy hikarohana vahaolana maharitra sady mahomby. Nametraka fanamby mifandraika amin’izany ireo tanora mpikaroka Malagasy manovo fahalalana eo anivon’ny sekoly ambony ISPM etsy Antsobolo. Taorian’ilay biriky vita amin’ny taratasy azo hanamboaran-trano dia efa navadik’izy ireo ho béton ihany koa amin’izao ny tranona tekateka sy ny akorandriana izay hariana sy haparitaka eny rehetra eny fotsiny. Toraka izany ireo tavoahangy plastika sy ny fasika izay azo hakambana ary haodina ho rarivato azo hatao lalana tsara nefa amin’ny vidiny mirary no sady mafy. Teny amin’ny Salon de l’habitat andiany faha-24 notanterahina tetsy amin’ny zone Forello Tanjombato nanomboka omaly no nampahafantaran-dRaboanary Tantely, talen’ny serasera eo anivon’ny sekoly ambony ISPM ireo voka-pikarohana telo sosona ireo. Fanamby goavana hapetrak’izy ireo araka izany ny hamokatra biriky, parpaing vita amin’ny béton, ny rarivato azo hampiasaina avy hatrany amin’ny vidiny morary, no sady zakan’ny fahefa-mividin’ny rehetra. Ny mba hananan’ny tsirairay trano fonenany amin’ny vidiny morary nefa mora ny kojakoja nanamboarana azy no tanjona, vokatra izay ho tonga eny am-pelatanan’ny mpanjifa tsy ho ela.
Pati
Legende : Tantely Raboanary, talen’ny serasera eo anivon’ny sekoly ambony ISPM Antsobolo