Fampianarana

ny fitakian’izy ireo, ka nanapa-kevitra hiditra amin’ny fitokonana faobe ny mpiasa, izay mitaky “indemnité de technicité”. Mitaky ny hampidirana ny tetibolan’izy ireo ao anatin’ny tetibolam-panjakana. Vao maraina omaly dia efa mailo ny Minisitera, ka nohidiana ny vavahady tao Fiadanana, izay nanana “badge” ara-dalàna ihany no afaka niditra. Niantrana teny an-toerana ihany koa ny mpitandro filaminana. Nilaza ireo mpiasa fa tsy noraisin’ny minisitra na dia nanao fangatahana aza. Efa nilaza moa ny Minisitra Pr Assoumacou Elia Béatrice, fa sendika tsy ara-dalàna ireto. Tsy tafiditra anatin’ireo misitraka “indemnité de technicité” ihany koa satria efa voafaritry ny lalàna ny fisitrahana izany izay ny mpandraharahan’ny oniversite, IST, CROUA, no misitraka azy, fa tsy ao anatiny ireo mpandraharaha eo anivon’ny Minisitera foibe. Misy didim-panjakana mazava tsara mamaritra azy, tsy didim-panjakana noforonina, tsy “indemnité” vaovao vao noforonona izay nositrahany hatramin’ny 2003 ka izay no nohajaina ny fampisitrahana azy, raha ny fanazavan’ny minisitra. Saika hanatanteraka fivoriam-be hanapahana hevitra mikasika ny tohin’ny fitakiany ny andaniny, saingy tsy afa-nanao izany tao amin’ny minisitera, ka nitady toeran-kafa, ary nanambara fa hiroso amin’ny fitokonana faobe noho ny tsy fifampihainoana. Resaky ny moana sy ny marenina.
Toky R