Minisitry ny fanabeazam-pirenena “Diso ianao ray aman-dreny nampitondra iPhone 11 ny zanakao”

hoy izy, dia ianao ray aman-dreny izay nampitondra izany ny zanakao. Ny diso faharoa dia ianao mpianatra izay nitondra azy sy nandika ny fitsipika mipetraka ao an-tsekoly. Tsy azo atao ny mitondra zavatra sarobidy any an-tsekoly. Mora ny manaraka izany. Raha ilaina ny mampitondra finday ankizy noho ny fiarovana azy dia « téléphone portable basique » omena azy. Aleo samy tompon’andraikitra amin’ny nataony. Tsy tokony ailika any amin’ny sekoly na ny mpampianatra. Tokony manaiky diso. Fanabeazana no atao an-tsekoly. Tsy maintsy manaraka ny fitsipika ao. Tsy manana safidy ianao. Rehefa azo atao dia azo atao. Rehefa Tsy azo atao dia tsy azo atao. Ho an’i Mme Tahina dia manohana anao aho. Manohana anao izahay. Ho antsika mpampianatra, mpiara-miasa ato amin’ny fanabeazana. Aza miady irery any. Efa manana rafitra ny ministeran’ny fanabeazam-pirenena, ny “direction des affaires juridiques”. Natao hiaro ny fanjakana, hiaro anareo, antsika ato amin’ny fanjakana sy eny anivon’ny fitsarana. Ho antsika tomponandraikitra rehetra. Mila mandinika lalina sy mitandrina isika rehefa misy raharaha mahakasika mpampianatra, mpanabe sy mpiasan’ny fanabeazana. Tsy mitovy aminao izy. Manan-danja noho ianao izy. Mila arovana izy ao anatin’ny fanatanterahana ny asany ao amin’ny ara-dalàna. Mankahery antsika mpiaramiasa rehetra, hoy hatrany ny tenany.
J. Mirija