Fampianarana

Lasa misy karazany maro mihitsy izy ireny eny an-tsena eny ka mampanaotao foana ireo tanora mpianatra sasany tsy manana fahafahana ny hividy izany. Raha araka ny vaovao avy any Toamasina dia misy amin'ireo mpianatra amin’ny sekoly sasany mihitsy no mangalatra kapan’ny mpiara-mianatra aminy noho izany. Misy amin’ireo mpianatra ihany koa no manao tery vay manta ireo Ray aman-dReniny mihitsy mba hividy io karazana kapa io na dia sahirana mafy aza . Ny tena mahasorena ireo mpampianatra hoy hatrany ny vaovao dia misy amin’ireo mpianatra no tsy manana fitaovam-pianarana akory nefa mahavidy kapa 25. 000 Ar ny iray. Nisy tamin’ireo mpianatra sasany noho izany no voatery nalefan’ny mpampianatra nody fa nanao io kapa io hisorohana ny olana mety hitranga no sady hanairana ireo Ray aman-dReny sasany ihany koa fa ny fitaovam-pianarana no tokony ho laharam-pahamehana fa tsy kapa.
Nangonin’i Pati
Legende : Ity ilay karazana kapa miteraka olana amina sekoly sasantsasany ao Toamasina