Oniversiten’i Maninday-Toliara Nitohy ny grevy, nirefodrefotra ny lakrimozenina

ary vao mainka niha nahery vaika ny hetsiky ny mpianatry ny Oniversiten’I Maninday any Toliara noho ny antony maro: fitakiana ny fandoavana ny vatsim-pianarana ho an’ireo nanao “reclamation” manodidina izay tsy nivoaka hatramin’izao, fandoavana manontolo ny fampitaovana ho an’izay mbola tsy nandray, fandoavana manontolo ny ambina vatsim-pianarana, fankatoavana ny na “validation” ho an’ny diplaoma “master”, fanamboarana ny toeram-ponenana simba dia ny bloc 42 sy 43,… Nidina an-dalàmbe nanakan-dàlana indray ireo mpianatra omaly, raikitra ny fandorana kodiarana! Niditra an-tsehatra nanaparitaka izany tamin’ny alalan’ny baomba mandatsa-dranomaso kosa ny mpitandro filaminana mba handravana ny gravy. Ny talata teo, voalaza fa tokony hisy ny fihaonana teo amin’ny tompon’andraikitra saingy voalaza fa tsy tanteraka. Naneho ny tsy fahaliany ireo mpianatra ny talata hariva, ka nidina an-dalambe nandoro kodiarana ary nitohy. Nanamafy izy ireo omaly, fa tsy hijanona, raha tsy mahazo valiny mahafa-po. Tantara mitohy noho izany ny ao Maninday satria na nisy aza ny fampanantenana, mbola am-bava fotsiny izany hatreto. Mbola ny lakrimozenina aloha hatreto no vahaolana tonga sy hita maso!
Toky R