Fampianarana

Na izany aza anefa dia mbola betsaka amin’ireo Ray aman-dReny mampiana-janaka eny anivon’ny sekoly tsy miankina no fantatra fa mbola tsy nahaloa ny saram-pianarana volana Septambra ihany. Velon-taraina ny ankamaroan’ireo sekoly tsy miankina noho izany. Hatreto raha araka ny fanadihadiana natao dia vao ny 60%-n’ny mpianatra no nahaloa izany fa ny 40% mbola tsy nisy nahaloa avokoa. Mianatra hatrany anefa ireo ankizy mpianatra ireo hoy ny talen-tsekoly iray ka hany herin’izy ireo dia miandry ny fahafahan’ireo Ray aman-dReny. Tsy tokony hahatratra ny fahadimin’ny volana oktobra kosa anefa raha araka ny fanazavany, fotoana izay efa tokony handoavana ny saram-pianarana volana oktobra indray ny fanefana izany. Raha izany mantsy no misy hoy hatrany ity talen-tsekoly iray ity dia tsy maintsy hiditra amin’ny fampiantsoana ilay Ray aman-dReny ihany izy ireo. Na izany aza anefa dia samy mahatsapa ireo talen-tsekoly fa tena manam-piniana hampiana-janaka ny ankamaroan’ny Ray aman-dReny eto amintsika na dia teo aza ny fahasahiranana. Misy tsy mandry andro tsy mandry alina mihitsy ny sasany mitady vola mba hampianarana ny zanany manoloana ny fiakaran’ny vidim-piainana.
Pati