Fampianarana

hoy ny fanazavan’ny tale jeneraly misahana ny tanora eo anivon’ny minisiteran’ny tanora sy ny fanatanjahantena, Tsikitsiky Razanamasy, nanazava ny momba izany tetsy Ambohijatovo, omaly. tamin’izany no namoahana antotan’isa fa ny 3%n’ny vahoaka malagasy ihany no nahita fampianarana ambony, hoy izy. 40% no nahavita ambaratonga voalohany, 40% faharoa, 18% tsy nahita fianarana ary isan’ny hita ho antony mahatonga ny tanora tsy afa-mandeha lavitra amin’ny seha-pihariana izany. Tsy mahita ny lalan-kombana hoe hanao ahoana ny hoaviny? Nandray fepetra noho izany ny eto anivon’ny minisiteran’ny tanora sy ny fanatanjahantena mba hametrahana hetsika hanampiana ireo tanora ireo amin’ny alalan’ny antsoina hoe “kolontsainan’ny vina” mba hahaizan’ireo tanora mijery lavitra mikasika ny mety hoaviny amin’ireo taona maromaro ao aoriana. Misy lohahevitra miisa 4 hafa koa ankoatran’izay toy ny “fandraharahana sy asan’ny tanora”, “fahasalamana sy fiarovana ny tanora”, “fampialam-boly ny tanora”, “fandriampahalemana”. Tanora miisa 9532 no niofana teto Antananarivo mikasika ny kolontsainan’ny vina ho fanombohana azy. 6000 eo kosa no handray ny fanamariham-pandraisana anjara na “attestation de participation”. Ny distrikan’i Betroka, faritra Anosy, no distrika filamatra na « pilote » ao anatin’ity tetikasa Fanoitra ity. Efa tamin’ny taon-dasa no natomboka ny fampiofanana ireo tanora tany an-toerana miaraka amin’ny tan-tsoroka ara-pitaovana sy tekinika tahaka ny hoe raha mpamboly Balahazo, ohatra, ny ankamaroan’izy ireo dia nofanina hanitatra ny fihariana momba izany hitohy amin’ny famokarana lafarinina na “cacapigeon”. Notohizana tamin’ny andro iraisampirenena ho an’ny tanora natao tany Mahajanga tamin’ny taon-dasa niaraka tamin’ireo distrika hafa teto amin’ny firenena izany. Anio moa no ho zaraina amin’ireo tanora etsy amin’ny kianjan’ny fanatanjahantena sy kolontsaina etsy Mahamasina izay mari-pandraisana anjara izay, hoy hatrany i Tsikitsiky Razanamasy.
J. Mirija
Legende: Tsy afa-mandeha lavitra amin’ny seha-pihariana ny tanora Malagasy, hoy i Tsikitsiky Razanamasy