tia tanindrazana

Parution du Lundi, 20 Septembre 2021

airtel

Fampianarana

Sampana fifandraisana - oniversiten’Ankatso Miisa 3 sisa ireo mpampianatra raikitra

Vita teo ny taom-pianarana 2019-2020, hoy ny sojaben’ny Fakiolten’ny teny aman-tsoratra sy ny siantsa mahaolona eny amin’ny oniversiten’Antananarivo, ny Dr Fanja Tahina Ralinirina.

14-sept-2021

Sample post image

Hisy, hoy izy, ny filankevitr’ireo filohan’ny sampana ambaratonga ambony na COPRIES ny 17 septambra izao hiresahana momba ny fidirana amin’ny taom-pianarana manaraka 2020-2021 sy ny fifaninanana hidirana amin’izany. Ireo nahavita fifaninanana tamin’ny volana janoary, noho izany, no hiditra izao. Ho an’izay vao afaka teo kosa dia mbola hisy ny fandaminana hanaovan’izy ireo fifaninanana hidirana ety amin’ny anjerimanontolo. Tsy ampy ny mpampianatra sy mpandraharaha ato aminay. Eo ny hoe maty fa eo koa ireo lasa retirety. Sahirana be izahay ary misy amin’ireo sampana toy ny COMMO (TTF: Fantatry ny rehetra amin’ny hoe Fifandraisana na “communication”) izay be mpifidy ato amin’ny FLSH izao dia nisafidy ny tsy hanao fifaninanana satria mpampianatra miisa 3 sisa no raikitra na “permanent” ao. Mpampianatra an-tselika no manampy azy ireo. Ireo anefa ela be ny fanefana ny ora fampianarany. Vao ny taona 2017-2018 izao ny karaman’ireo voahefa amin’ny ampahany, izany hoe ny 75% fa ny 25% mbola miandry. Miisa 50 any ho any ireo “vacataire” ao amin’ny COMMO ireo amin’ny maha sampana mamolavola ara-kasa na “professionnalisante” azy. Nisy tamin’ireo mpianatra nanomana fanohanana vokam-pikarohana no maty ny mpitarika azy dia nilana fivoriana fandaminana ireny, hoy hatrany ny tenany.
J. Mirija

 

Dans la même rubrique

Card image cap
Oniversite Hanomboka ny 4 oktobra ny taom-pianarana vaovao
20-sept-2021

Tontosa ny faran’ny herinandro teo teny amin’ny minisiteran’ny fampianarana ambony sy ny fikarohana ara-tsiansa teny Tsimbazaza ny fivorian’ireo filohan’ny oniversite sy ny tale jeneralin’ny IST

Card image cap
Oniversiten’i Fianarantsoa Niakatra ny daozin’ny grevy
17-sept-2021

Nangotraka indray ny grevy tao amin’ny Oniversiten’I Fianarantsoa omaly alakamisy 16 septambra 2021. Niverina nitokona ireo mpandraharaha eo anivon’ny anjerimanontolo na ny PAT (Personnel Administratif et Technique)

Card image cap
Sekoly ambony Polyteknikan’Antsiranana “Ny mpianatra antsoina, ny trano tsy misy”
17-sept-2021

Velon-taraina ireo mpianatra avy lavitra. Misy ny afaka bakalorea tamin’ny 2020. Nanao fifaninanana hidirana any amin’ny Sekoly ambony Polyteknika Antsiranana.

Card image cap
«Salon de l’Etudiant et de l’Emploi » Hisy atrikasa, valandresaka sy adihevitra, fandraisana CV
17-sept-2021

Andro sisa isaina, dia higadona ny andron’ny 20-22 septambra 2021 hanatanterahana ny « Salon de l’Etudiant et de l’Emploi » andiany faha-3 etsy amin’ny Tokontanin’ny TVM-RNM Anosy.

Voir plus