omaly alatsinainy 19 aprily. Nohamafisiny nandritra izany fa noho ny hamehana ara-pahasalamana miato avokoa ny fampianarana eny anivon’ny sekoly manerana ny Nosy. Voakasik’izany avokoa na ny sekoly miankina amin’ny fanjakana na ireo tsy miankina. Tsy miakatra any am-pianarana araka izany ny mpianatra fa mijanona any an-trano. Namporisika ireo sekoly tsy miankina kosa ny ONEP mba hampihatra ny fampianarana hampitain-davitra na ny ‘cours à distance’ mba tsy hanimba ny fari-pahaizan’ireo zaza Malagasy. Nanentana ireo Ray aman-dReny ihany koa ny Talen'ny ONEP mba hanara-maso ny fianaran'ny zanany any an-trano. Nohamafisin’Atoa Marcelin Tsarasidy kosa fa ho hentitra ny fanaraha-maso ireo sekoly tsy miankina raha misy minia mandika izany lamina sy rindra efa napetraka izany. Hisy ny fidinana ifotony sy ny fitsidihana sy tsy ara-potoana hataon’ny ONEP eny anivon’ny ireny sekoly tsy miankina ireny. Hiafara amin'ny fanasaziana moa izany fandikan-dalana izany ho an’ireo izay tratra.
Pati
Tsy handalo fotsiny ihany ny fahatsiarovana ny faha-77 taonan'ny tolom-panafahana 1947