Fampianarana

Ho tontosaina anio eny an-toerana ny hetsika antsoina hoe “Salon du digital et de l’innovation”, izany hoe, ny fampiratiana goavana momba izay tekinolojia dizitaly sy ny fivoarana entin’izany rehetra izany izay. Hisy ao anatin’izany ny famelabelaran-kevitra entin’ny avy eo anivon’ny IT University amin’ny alalan’ny tomponandraikitra eo anivon’ity oniversite misehatra amin’ny tontolon’ny informatika ity, Vahatriniaina Rakotomalala. Hitondra ny anjarany koa anefa ry zareo eo anivon’ny MVola amin’ny alalan’ny tale misahana ny atao hoe Big Data Analytics sy Credit risk ao amin’ny MVola. Ho velabelarin’izy mirahalahy ao anatin’izany moa ny lohahevitra tsotra nefa tena mbola zara raha misy mahalala sy mahafehy mitondra ny lohateny hoe “Big data & Machine Learning”, raha ny fampitam-baovao voaray hatreto aloha.
J. Mirija