afak’omaly talata 06 septambra. Lehilahy iray nitondra moto jog Pro handeha hamonjy fodiana no narahaina jiolahy miisa roa tamin’ny moto iray hafa miloko mena avy ao aoriana ka nosongonany rehefa mangingina ary nosakanany sy nambanany tamin’ny basy. Nasainy nidaboka tamin’ny tany ny tompon’ilay jog pro avy eo ka noentin’izy ireo avy hatrany ilay moto jog pro no sady nanao tifi-danitra izy ireo mba tsy hanarahany azy. Niantso vonjeo tamin’ny manodidina teo ny tompon’ilay moto jog pro noho izany ka nanenjika ireo olon-dratsy ny fokonolona. Vantany vao nahare izany anefa ny polisy miasa eny manodidina dia tonga teny an-toerana ka nisambotra ireo olon-dratsy izay marihina fa tratra tsy lavitra teo. Marihana fa mbola tratra teny amin’izy ireo ny basy nampiasainy marika « Rohm modèle RGS » ary mbola nahatrarana antsy iray ihany koa teny amin’izy ireo. 30 taona sy 23 taona moa ireo jiolahy ireo.
Pati
Legende : Ireto izy roalahy mpisompatra moto
Jiolahy miisa 04 no indray voasambotry ny Polisy miasa ao amin'ny CSP4
Tovolahy 19 taona no saron'ny zandary avy ao amin'ny borigadin’i Talatamaty
Nisy kodiaran-droa ana orinasa iray nisy nangalatra teny Atsimondrano afak’omaly 26 Martsa.
Nidina ifotony teny anivon'ireo Fokontany miisa telo eto an-drenivohitra ny
Tra-tehaka teo am-piandrasana fiara ny rongony 15 gony
Lavo voatifitry ny dahalo teo am-pamitana ny asany ny zandary kilasy faharoa Ramilave,