Fandriampahalemana

Teo akaikin’ny tobim-piantsonan’ny taxibe miazo an’Ambohijanaka no nahitana ny razana, izay karazan’irony mpiantsena vao maraina irony raha araka ny tombatomban’ireo nanatri-maso. Zary lasa faritra mena mihitsy mantsy iny lalana miazo an’Ambohijanaka iny amin’izao, indrindra raha vao maraina. Betsaka ireo mpanendaka sy mpangaram-paosy no miandry fotsiny ireo mpiantsena sy mpaka entana izay nomarihin’ireo nanatri-maso hatrany fa misy mahavita mamono mahafaty mihitsy ny sasany. Mbola tena maizina rahateo ny amin’ny 05 ora maraina amin’izao noho ny toetr’andro ririnina izay tena mampahazo vahana ireo mpanao ratsy tokoa. Ahiahian’ny sasany araka izany ny mety ho nisian’ny olona namono ity vehivavy ity teny an-toerana na koa novonoina tany amin’ny toeran-kafa izy dia natsipy tao anaty dalle avy eo. Ny fanadihadiana hataon’ny mpitandro ny filaminana ihany moa no tena hamaritra izany.
Nangonin’i Pati