Fandriampahalemana

Hita ho hafahafa , toa verivery saina izany izy, tsy miteny , tsy mivolana , tsy mety mamaly rehefa anontaniana ary hita ho matahotr’olona indrindra fa raha lehilahy no manatona azy.Tombanana ho nisy naka an-keriny ity tovovavy ity tahaka ireo tranga efa nisy tany aloha ka nariana avy eo.Tsy mbola fantatra mazava hoe fiara toa inona no nanary ity tovovavy izy, na hoe nandeha tongotra ve izy sa ahoana. Taona faha 5 eny amin’ny sekoly ambony politeknika Vontovorona izy, izany hoe olona mianatra sy salama saina tsara.Tsy mbola fantatra mazava ny nanjo azy sy ny nihatra taminy fa efa nentina any amin’ny hopitaly mba hatao fizahana sy omena ny fitsaboana sahaza azy izy aloha.Voalazan’ireo nanatri-maso ihany koa fa misy karazana ratra amin’ny tanany; tombanana fa nomena zava-mahadomelina mahery vaika ity tovovavy ity raha ny fahitana ny fihetsiny ondrakondrafana sy toa hafahafa izany.Mbola mitohy izany ilay resaka fakana an-keriny hafahafa na dia efa nohamafisina aza ny fitandroana ny filaminana sy ny fisafoana etsy sy eroa ho an’Antananarivo renivohitra sy ny manodidina.
Nangonin’i RTT