Fandriampahalemana

 Ny dimy amin’izy ireo dia mbola tsy ampy taona raha araka ny fantatra. Raha tsiahivina kely ny tantara dia ana solombavambahoaka iray ao Tolagnaro io fiara nisy namaky io ka nametraka fitoriana ity farany. Araka ny nambaran’ity solombavambahoaka ity dia adinony ny nanidy ny fiarany tamin’io datin’ny 03 martsa io. Mbola tamin’ny 10 ora atoandro rahateo ny ora tamin’io andro io. Tsikaritr’ireo ankizy nilalao teo amin’ny manodidina anefa izany ka nosakafan’izy ireo ilay fiara ary nalain’izy ireo avokoa ny poketra nisy firavaka lafo vidy maro samy hafa, « tablette » marika samsung, finday marika samsung galaxy S8 sy taratasy maro hafa ary lelavola 8.000.000 Ar tao anaty fiara. Ny 08 martsa lasa teo araka izany no nahazo loharanom-baovao mari-pototra ny polisy mikasika ireto ankizy mpangalatra ireto. Niaiky ny heloka vitany avokoa ireto ankizy ireto nandritra ny famotorana natao tamin’izy ireo ary mbola nanoro ireo olona efatra hafa izay nividy ireo entana avy nangalarin’izy ireo. Niroso tamin’ny fisamborana ireto roalahy nividy ny entana halatra ny polisy ary mbola tafaverina ny ankamaroan’ireo entana nangalarin’izy ireo ankoatra ilay lela-vola izay tsy hita intsony.

Pati