amin’ny 67ha atsimo sy Ampitatafika rehefa nandroba « cash point». Ny andron’ny 02 aprily raha tsiahivina dia nahazo antso avy amin’ny mpanampiny ny tompona « cash point » iray eny 67ha atsimo ary nilaza izy tamin’izay fa nisy nanafika ka lasa tamin’izany ny vola mitentina 6.200.000Ar mahery kely miaraka amin’ny finday nampiasainy. Nanamafy ihany koa izy fa naratra mafy ny tarehiny. Rehefa nahare izany ny tompon’ilay «cash point » dia napandre ny Polisy avy hatrany. Nidina teny an-toerana ireto farany nijery ny zava-nisy ary fantatra fa tsy nisy fanafihana nitranga fa karazana sarin’ady no natao. Fantatra tamin’izany fa ilay mpanampy izay nampiasaina tao amin’ilay « cash point » ihany no nangalatra ny vola izay nolazaina fa nisy nandroba. Nentina teny amin’ny biraon’ny Polisy 67 ha ilay tovolahy niandraikitra ny « cash point ». Nosamborina teny Ampitatafika avy hatrany kosa ireo roalahy hafa nametrahany ilay vola sy finday tamin’io andro io ihany. Mbola hita tao amin’ny trano fonenan’izy roalahy ireto moa ny sakaosy fampiasan’ilay tompona « cash point » niaraka tamin’ireo finday. Nahatrarana vola 4.200.000Ar teny amin’izy ireo izay efa tafaverina tamin’ny tompony. 22, 24 ary 25 ny salan-taonan’izy ireo. Natolotra ny fampanoavana omaly izy telolahy ary naiditra am-ponja vonjimaika.
Pati
