Fandriampahalemana

 miadidy ny zandarimariam-pirenena ny jeneraly Gellé Serge tany an-toerana ny faran’ny herinandro teo. Nambarany nandritra izany fa hisy ny ezaka hatao manomboka izao ka anisan’ireny ny ady amin’ny halatr'omby syfamotsiana taratasin'omby halatra. Toraka izany koa fiparitahan'ny basy tsy ara-dalàna.Taorian'ny fikaonan-doha miaraka amin'ireo mpisehatra sivily sy miaramila amin'ny fandriam-pahalemana tao an-toerana dia tapaka fa hamafisina ny fitsirihana sy fanaraha-maso ireo olona rehetra mitazona sy mitondra ary indrindra ny mpivarotra sy mpividy fitaovam-piadiana manerana ny nosy.Isam-bolana dia hatao ny fitsirihana ireo lisitry ny olona nahazo fahazoan-dalana mitazona fitaovam-piadiana eny anivon'ny biraom-piarovana isa-boriborintany. Mikasika ny omby kosa indray dia hamafisina manomboka izao ary hatao isam-bolana ny fisavàna sy fanamarinana ny taratasin'omby rehetra na eo anivon'ny kaominina izany na ny eny am-pahitra na ny eny an-tsena.Hatao mifanindran-dalana amin'izany koa ny fanaraha-maso ireo lisitry ny mpisava sy mpitomboka ireo taratasin'omby, ny lisitr'ireo mpivarotra sy mpividy omby isan-tsena mifanaraka amin'ny lisitry ny ombim-barotra, indrindra ihany koa ny fitsirihana ireo heloka na fahadisoana tsikaritra nefa tsy nasiam-panenjehana. Tanjona ny hamerenana araka ny tokony hoy izy ny fandriampahalemana any amin’ity faritra iray ity.
Nangonin’i Pati