Fandriampahalemana

Ny 10 mey 2021 lasa teo raha tsiahivina dia tonga nametraka fitoriana tao amin’ny Service Centrale des Affaires Criminelles Anosy ny Banky lehibe iray eto an-drenivohitra mahakasika ny fahaverezan’ity fiara ity. Nanao ny fanadihadihana ny Polisy taorian’izany ka voasambotra teny amin’ny faritra Ambohimanambola tamin’ny alakamisy lasa teo ny tompon’antoka voalohany tamin’ilay halatra fiara rehefa nandositra nandritra ny roa volana. Tratra tamin’io andro io ihany koa ireo olona miisa roa izay niray tsikombakomba taminy ka ny iray tamin’izy ireo no nanafenana ny fiara halatra ary ny iray kosa no nitady mpividy. Fantatra nandritra ny fanadihadihana natao tamin’izy ireo fa mpiambina ao amin’ity orinasa ity ihany no nahavita nangalatra izany ary naka ny fanalahidin'ilay fiara ka nahafanany namelona sy nitondra izany. Teny amin’ny faritra Ambohimiadana, kaominina ambanivohitr’i bongatsara niaraka tamin’ny mpiray tsikombakomba izay nitazona azy no nahitana azy irep. Taorian’ny fanadiadihana dia natolotra ny fitsarana afak’omaly 05 jolay ireto jiolahy ireto ary nidoboka am-ponja vonjimaika izy 03 lahy.
Pati