Iray no tratra tany amin’ny distrikan’Ambositra ary efa nampidirina am-ponja. Rehefa tratra ilay dahalo dia nosavaina ny findainy ka hita tao fa nisy zandary niantso izy nanoro ny lalan’ireo zandary namany hafa mpanara-dia sy ireo fokonolona tompon’ny omby nisy nangalatra. Tsy maintsy handraisana fepetra ny toy ireny. Nanatanteraka fifampiarahabana nahatratra ny taona vaovao 2019 ny teo anivon’ny zandarimariam-pirenena omaly teny amin’ny toby Ratsimandrava, fotoana nanaovan’izy ireo tombana ny zava-nisy sy nitranga tamin’iny taona nivalona 2018 iny ihany koa. Nambaran’ny sekretera jeneraly miadidy ny zandarimariam-pirenena fa nahatratra 19 ireo zandary am-perinasa matin’ny dahalo tamin’iny taona 2018 iny. Nomarihiny kosa fa nihena ny trangana fitsaram-bahoaka. Raha nahatratra 70 tamin’ny taona 2017 dia nihena ho 38 tamin’ny taona 2018. Ho an’ny fanakanan-dalana ataon’ny dahalo indray dia nahatratra 60 isa ireo voasambotra tamin’ity taona 2018 ity raha 35 tamin’ny taona 2017.
Pati
