Raha araka ny fantatra dia anisan’ny mpamatsy "héroïne" eny amin'iny faritra Antohomadinika sy manodidina ity ramatoa ity. Nirotsaka an-tsehatra avy hatrany ny polisim-pirenena misahana amin'ny ady amin'ny zava- mahadomelina Anosy araka izany nanao ny vela-pandrika rehetra mba hanatrarana azy. Teo am-pivarotana " heroine" mihitsy izy no tratran'ny Polisy ambodiomby, tao amin'ny trano fonenany eny Antohomadinika.Rehefa natao ny fisavana azy dia mbola hita tao aminy ihany koa fonosana kely "heroine" miisa 17 izay nafeniny tao am-paosiny . Araka ny famotorana natao taminy dia vidiany eny 67 ha ireo heroine ka ny 1 grama mahavita 35 fonosana. Mahalafo eo amin'ny 35 fonosana isan'andro izy araka ny voalazany . Marihana moa fa tsy mitsindrona no sady tsy mifoka ity ramatoa ity fa mpamatsy ary mpivarotra amin’ireo olona tonga mividy ao aminy fotsiny . Natolotra ny fampanoavana omaly izy ka naiditra eny Antanimora vonjimaika.
Nangonin’i Pati
Legende : Ity ilay Ramatoa sy ireo heroine namidiny
Tra-tehaka teo am-piandrasana fiara ny rongony 15 gony
Lavo voatifitry ny dahalo teo am-pamitana ny asany ny zandary kilasy faharoa Ramilave,
Tena mirongatra ny tsy fandriampahalemana eto amintsika.
Teny filamatry ny zandarimaria ny hoe "Miaro ho antoky ny Fampandrosoana ifotony",