Rakotonirina Richard Minisitry ny Fiarovam-pirenena sady Minisitry Raharaham-bahiny mpisolo toerana. Omaly, nisy ny fandraisan’anjarany tamin'ny Blue Innovation Solution Conférence izay Fikaonan-doha hitadiavana ireo fomba fiasa vaovao hiarovana ny harena ao amin'izany ny tenany. Noresahina nandritra ity Fikaonan-doha ity ny fametrahana ny paikady iraisana amin'ny fiarovana ny sisin-dranomasina sy ny fitantanana ny harena no an-dranomasina amin'ny endriny vaovao, araka ny fampitam-baovaon’ny Minisiteran’ny Fiarovam-pirenena. Nisy ny fandraisam-pitenenany omaly, izay nataony tamin’ny teny Indoneziana izany no mifono hevitra manokana ho an’i Madagasikara. Noresahiny ny fanavaozana azo atao amin'ny fitrandrahana ny ranomasina hiteraka angovo na ny "Énergie Renouvelable Marine" (ERM) ka tafiditra ao anatin'izany ny fampiasana ny lomo-dranomasina na ny "algues" hamokatra angovo sy hanadio ny rivotra iainana. Eo ihany koa ny famokarana herinaratra amin'ny ranomasina sy ny fanodinana ireo akora plastika. Navohitrany ihany koa ny fandriampahalemana eny an-dranomasina indrindra ny ady amin'ny jiolahitsambo sy ny fiarovana ny harena an-dranomasina izay andraikitry ny firenena na atao hoe « actions de l’état en mer » izany. Nihaona tamin’ny Minisitra mpandrindra ny raharaha an-dranomasina Indonezianina Luhut Pandjaitan moa ity Minisitra Malagasy ity, niresaka ny fomba entina hanamafisana ny fiaraha-miasa eo firenena roa tonta sy ny fandrindrana ny eny an-dranomasina mba hanatsarana bebe kokoa ny fitantana ny harena an-dranomasina. Nihaona tamin’ny Minisitry ny Raharaham-bahinin’ny Sri Lanka Tharaka Balasuriya ihany koa, niresaka ny fanatsarana ny fiaraha-miasa eo amin’ny Madagasikara sy Sri Lanka ka tafiditra ao anatin’izany ny fampianarana mikasika ny vatosoa sy ny fandriampahalemana an-dranomasina.
Toky R
Tranga niseho tamiko ny alahady teo izy ty ka tantaraiko eto mba hitandreman’ny rehetra amin'ny manaraka,
raha ny fampitam-baovao voaray. Nofitahiny ilay vehivavy ary nentiny tany ambanin'ny CEG Soamalaza,
Nifanehatra tamin'ireo zandary nanao fisafoana tao Ambohimilemaka kaominina Mahitsy
Vehivavy no tompon-dakan’ny halatra finday any amin’ny distrikan’Ihosy.
Miha mahery vaika indray ny fanafihana sy fakana an-keriny any amin’ny Distrikan’Ankazobe.
Tratran’ny fokonolona teo am-panambatambazana ary nikasa ny hitondra sy hangalatra zazavavy kely