Nilaza ny Ambasadaoro Rosianina Andrey Andreev fa « nifampiresaka tamin’ity minisitra ity mikasika ny vokatry ny fitsidihany tany Moscou, izay fanasavana avy amin’ny ankolafy Rosianina ». Tsy namoaka tamin’ny antsipirihany mikasika ny dia na koa ny fifampiresahana tamin’ity tompon’andraikitra ambony Malagasy ity io Diplaomaty io. Nomarihina fotsiny fa ny fitsidihana dia nifantoka tamin’ny adihevitra mikasika ny tombotsoa iraisana. Ny volana janoary, tsy teto amin’ny firenena tsy nisy fanazavana ofisialy ny Minisitry ny fiarovana, ary tsy nisy ny fitondrana fanazavana tamin’ny tsy fahitana azy. Ny fiandohan’ny febroary moa no efa nahenoana fa nihazo an’i Russie ity Minisitra ity, saingy tsy nisy fampitam-baovao ofisialy. Asa inona loatra no diany any? Amin'izao toe-draharaha mampihenjana ny fifandraisana eo amin'ny Rosiana sy ny Amerikanina miaraka amin’ny tandrefana no nisian’ny fivoahana sy fitsidihana an'i Russie. Zavatra maika ve ka tsy maintsy naleha. Ny teto amin'ny firenena ihany koa mantsy manahirana ihany teo anatrehan'ny fidiran'ny rivodoza Ana kanefa manana andraikitra amin'izany ny tafika. Ny volana febroary 2021 dia isan'ireo niatrika "Aero India 2021" tany Inde ity Minisitra ity, ka nambara fa tanjona ny hijery ireo teknolojia momba io sehatra io sy hitadiavana mpiara-miombon'antoka. Mbola resaka fitaovam-piadiana tahaka izany ary ve izany no anton-dia any Russie satria isan'ireo efa lasa lavitra amin'izany ity Firenena herin'ny Firaisana Sovietika ity? Raha izay, inona no tsy nisian’ny tatitra sy fampitam-baovao ofisialy hatrany am-piandohana ? Mampiahiahy, ary ahiana ho misy resaka politika sy jeopolitika avo lenta ny toe-javatra manjavozavo tahaka izao, indrindra fa izy miseho ao anatin’ny toe-draharaha hafahafa sy mafampana na ny iraisam-pirenena io na ny eto an-toerana.
Toky R
Jiolahy miisa 04 no indray voasambotry ny Polisy miasa ao amin'ny CSP4
Tovolahy 19 taona no saron'ny zandary avy ao amin'ny borigadin’i Talatamaty
Nisy kodiaran-droa ana orinasa iray nisy nangalatra teny Atsimondrano afak’omaly 26 Martsa.
Nidina ifotony teny anivon'ireo Fokontany miisa telo eto an-drenivohitra ny
Tra-tehaka teo am-piandrasana fiara ny rongony 15 gony
Lavo voatifitry ny dahalo teo am-pamitana ny asany ny zandary kilasy faharoa Ramilave,