tia tanindrazana

Parution du Mercredi, 10 Août 2022

airtel

Fandriampahalemana

Sabotsibe Maty voatifitra ny Zandary ilay dahalo nitsoaka

Taorian'ny fifanjevoana tamin'ireo dahalo tao Vohilolo Beandrarezona, fokontany Lampibe, kaominina Marotandrano, distrika Mandritsara ny alarobia 25 may 2022 dia vaky nandositra izy ireo ka tsy nisy voasambotra,

02-juin-2022

Sample post image

hoy ny fampitam-baovao. Taorian'io dia nisy olona tsara sitrapo nampandre ny lehiben'ny vondron-tobim-paritry ny zandarimaria ao Mandritsara fa anisany nandray anjara tamin'io asa ratsy io i Raka izay zanatany ao Lampibe ka miafina ao Sahavoay, fokontany Ambalakaompania, kaominin’andrenivohitra sy distrikan’i Mandritsara. Avy hatrany dia niroso tamin'ny fikarohana ny zandary ka tratra tao Ambalakaompania tokoa izy. Raha nalaina am-bavany izy taorian'ny fisamborana azy dia niaiky ny heloka nataony ary nanambara an'ireo namany miisa 7 hafa. Nanome toky i Raka fa hitarika sy hanampy ny Zandary amin'ny fisamborana an'ireo namany. Ny alin'ny 30 hifoha 31 may 2022 dia niainga niaraka taminy ireo zandary miisa 12 lahy izay notarihin'ny kapiteny Andriantsihoarana Tobiasy, lehiben'ny vondron-tobim-paritra Mandritsara, ka ireo any Tsaramandroso no nokasaina ho tratrarina voalohany. Teo amin'ny 2km tsy hidirana ny tanàna, avy amin'ny ilany avaratra atsinanana anefa dia nirifatra nandositra tampoka izy hiazo ny vondron'ala tsy lavitra ny lalana. Noho izy tsy nety najanona dia tsy maintsy nitifitra ireo zandary ka voa teo amin'ny lamosiny izy ary maty tsy tradrano. Mbola mitohy ny fikarohana ireo namany izay mbola tsy tratra, hoy hatrany ny fampitam-baovao.
J. Mirija
 

Dans la même rubrique

Card image cap
FAMAKIANA FIARA SY HALATRA KOJAKOJA Tovolahy iray tratra teny Ankadifotsy Befelatanana
10-août-2022

Tovolahy iray 23 taona no tratra teny Ankadifotsy Befelatanana rehefa namaky fiara sy nangalatra kojakojam-piarakodia.

Card image cap
Vono olona tany Ifanadiana 18 no voasambotra hatreto
09-août-2022

Tafakatra 18 isa no voasambotra, ady tany no niteraka valifaty ary mponina ao an-toerana ihany no nahavanona ny vono olona feno habibiana tao Ifanadiana,

Voir plus