Tafika Malagasy

Mivoatra manaraka ny fivoaran'ny teknolojia ny Tafika Malagasy. Manampy betsaka amin'izany ny fiaraha-miasa amin'ireo firenena vahiny. Ny Tafika malagasy rahateo dia mahay miara-miasa amin'ireo firenena rehetra rehefa ahitana tombontsoa "ho an'ny tanindrazana". Nisongadina io omaly nandritra ny fitsidihana ara-pomba ofisialy an'ny Jeneraly Razafitombo Maminiaina Ely, Minisitry ny Foloalindahy teny amin'ny toeram-piasany eny Ampahibe, nataon-dRamatoa Catherine Vautrin, Minisitra misahana ny Tafika Frantsay. Nitohy tamin'ny fanaovan-tsonia fifanaraham-piaraha-miasa teo amin'ny Tafika roa tonta teny amin'ny "AERIAL METRIC" Ambohibao, izany, momba ny fanofanana hamehezan'ny Tafika malagasy ny fampivoarana sy fampiasana ny hai-ady manodidina ny "drône". Narahan'ny fanolorana izany fitaovana izany sy solosaina ary kojakoja maro ilaina amin'ny hetsika fampandrian-tany sy sarin'ady hiarahan'ny Tafika roa tonta ho tanterahana amin'ny 2027 ny fotona. Nanatrika izany ireo Miaramila nisitraka fihofanana amin'ny fampiasana ireo fitaovana harifomba ireo. Nanome voninahitra ny fotoana ny Jeneraly Pikulas Démosthène, lehiben'ny Etamazoron'ireo Tafika.
Nangonin'i Jean D.
Fanolorana fitaovana harifomba hampiasain'ny Tafika Malagasy