Fandriampahalemana

Nivoitra nandritra izany fa averina sy hamafisina ny fiaraha-mientana mahakasika ny andrimasom-pokonolona ao Toamasina ary ezahina hatsaraina hatrany ny filaminana. Nisy araka izany ny famolavolana ny hisian'ny dinam-piaraha-monina manerana ny fokontany rehetra ao Toamasina hampanjakana misimisy kokoa ny filaminana. Nentanina ihany koa ny vahoaka hiaro, hitandrina tsara manoloana ny hain-trano sy ny doro ala izay tsapa fa mihamahazo vahana tato ho ato. Hisy ny fizarana jiro manome hazavana miisa 400 ao Toamasina tampon-tanàna hahafahana miady amin’izay tsy fandriampahalemana izay, fanomezana avy amin’ny Ministeran'ny angovo sy ankoran’afo. Hamafisina ihany koa ny asa fanakatonana ny bara rehetra ao Toamasina monomboka amin'ny 10 ora alina.
Nangonin’i Pati
Legende : Nandritra ny fihaonana omaly