Fifamoivoizana

fitondram-panjakana ireo Hotely sy Restaurant ao Foulpointe ny sabotsy 6 aogositra teo 2022 satria tena zara raha mba misy mpanao fialan-tsasatra tonga. Làlana 56km monja handaniana hatrany amin’ny ora dimy noho ny haratsian-dàlana. Vokatry ny lalana ratsy dia kamo olona mandeha any Foulpointe, kanefa tanàna isan’ny miavaka amin’ny tontolon’ny fizahantany ny any, ary maro no mivelona amin’izany. Mikorosofahana tanteraka ny fameloman-tena miorina amin'ny fizahantany. Hetsika am-pilaminana teny amin’ny RN5 teo am-pidirana ny tanànan’i Foulpointe no saika hatao amin’ny alalan'ny fanaovana antso amin'ny haino amanjery. Tsy tanteraka anefa izany noho ny ramatahora. Ny zoma hariva, nahazo antso teny midina ilay mpitarika ilay hetsika hoe: “ajanoninareo izany hetsika izany raha tsy te ahita raharaha ianareo”, hoy ny vaovao azo. Foana ilay hetsika saika natao ny sabotsy. Malahelo amin'izao zava-misy izao ireo “Hôtelier-Restaurateur” sy ireo mivelona mivantana na ankolaka amin’ny tontolon’ny fizahantany ao Foulpointe. Efa zary lasa fomba fanao sy fomba fiadin’ny Fanjakana mihitsy izany ity mampangina ny olona tsy haneho ny zavatra tsy mety ity? Tsy manana vahaolana afatsy ny mandrahona sy ny manapim-bava ary ny sehatra rehetra hampiasana izany avokoa fa tsy ny politika irery ihany? Mitohy hatrany ny fanerena ny olom-pirenena hanaiky sy hangina fa izao no mety, izao no mila ekena.
Toky R